زواج المصريين من الاجانب ( قضية هامة للنقاش )

صباحكوا / مساكوا
خير على كل الناس الحلوه
الايام الى فاتت قابلت اشخاص اصحابى وناس
فسالتهم عن اخبارهم طلعوا اتجوزا من اجانب
يعنى الى اتجوز واحده المانيه والتانى روسيه وغيرها وغيرها
فسالتهم هما بنات مصر خلصوا
واحد فيهم قالى ياعم
البنت المصريه عايزه شبكه وشقه وعفش ومصاريف كتير
اما الاجنبيه لو هتعيش معاك فى عشه ماشى بادال هى واخده راحتها ومستريحه
يعنى مبيتطلبش شبكه ولا شقه والعفش وكل ده
واحد تانى قالى بص المصريات طبعا احسن علشان انت متاكد ان هى ام لاولادك اما الاجنبيه احتمال كبير متخلفش
ولو خلفت ابنك بيتربى بره .......؟
فاتنتوا ايه رايكوا اصحابى دول صح علشان اتجوزوا اجانب ولا غلط ؟


انا من رايى ان المصريه افضل لانها معاك على الحلوه والمره اما الاجنبيه معاك على الحلوه فقط ..
ارجو التفاعل من الجميع

والله كلام جميل يا قمر
بس اكيد البنت الاجنبية مش بتسمع الكلام لانها ثقافتها اجنبية ومش بتعرف عربى
هههههههههه
لا بجد فعلا يا زهرة مفيش اجمل ولا احسن من بنات العرب
يكفى الدين والاصول والعادات والتقاليد
مشاركة اكتر من رائعة يا قمر

انا مش مع الجواز من اجانب خالص
مهما حصل ومهما هيحصل
لان النت المصريه مفيش احسن منها
هي اللي هتقدر تصونك وتحميك وتحمي اولادك
اما الاجنبيه لو مثلا حصل معاها مشاكل
ورجعت بلدها تاني
واخدت ابنك
هتعمل ايه معاها
؟؟؟؟

دموع القمر كتب:انا مش مع الجواز من اجانب خالص
مهما حصل ومهما هيحصل
لان النت المصريه مفيش احسن منها
هي اللي هتقدر تصونك وتحميك وتحمي اولادك
اما الاجنبيه لو مثلا حصل معاها مشاكل
ورجعت بلدها تاني
واخدت ابنك
هتعمل ايه معاها
؟؟؟؟

كلام جميل يا قمر
فعلا مفيش احسن من بنات العرب عموما
متربيين على اخلاقى ودينى
ويصونوا اولادى وغير كدة بجد البنت العربية راجل فى البيت تعرف تحافظ على نفسها
وخصوصا البنت المصرية راجل فى بيتها وبين الناس
تسلمى يا قمر
نورتى التوبيك